Мақат мұнай және газ технологиялық колледж кітапханасында «Оқуға құштар колледж» жобасы бойынша «Жаныңда жүр жақсы адам» тақырыбында жергілікті ақын Қуат Мыңтұрғановпен кездесу кеші болып өтті.

Мақсаты: «Оқуға құштар» жобасы бойынша өлкеміздегі халықтың ыстық ықыласына бөленіп жүрген қаламгерлеріміздің өрнегі мол жырларын оқуға насихаттау, олардың өнегелі өмір жолдарын өскелең ұрпаққа өнеге тұтып, жастардың кітап оқуға құлшынысын арттыру, еліне, жеріне деген сүйіспеншіліктерін арттыру.

Білім алушы студенттер жергілікті ақын Қуат Жолболдыұлына көптеген қызықты сұрақтар қойып,өз қаламынан шыққан өлеңдерін тыңдады. Студенттер өз өнерлерін ортаға салды. Кеш өте әсерлі, тартымды өтті.